原创袁念琪海上梦叠
原创：袁念琪
来源：夜光杯
沪语改写、诵读：倪云华
指导、推荐：丁迪蒙
编辑：王乙其
“唰”个一声，邻居陈家爷叔划着洋火，伸到台子浪向个一小滩洋河大曲。一刹那，白酒烧了起来。一歇歇功夫，火灭脱、酒也没了。勿记得陈家爷叔为啥要向阿拉搿眼小囡表演，伊为此也要少吃几口？
真正吃酒，就是要吃白个；尤其是高度个，吃起来再过膩头。有一年到古井贡酒，还尝到了70度。吃客袁枚有个传神个比喻：“余谓烧酒者，人中之光棍，县中之酷吏也。”搿位性灵诗派大家进一步点到：“既吃烧酒，以狠为佳。汾酒乃烧酒之至狠者。”
前几日，朋友请我吃伊从山西带来个汾酒，讲全国首次“八大名酒”评比是汾酒夺魁。勒上海，饮食行业拿白酒分成功两种门类：一种是起源于光绪年间个汾酒业，后来俗称“老白酒”个土甜酒业也加进来了。另一种是专营高粱土烧、五加皮搭绿豆烧等泡制酒及仿洋酒个粱烧酒业。
白酒是个狠角色。除脱仔吃得痛快，更加是大块吃肉、细啃鸡头猪脚个好搭挡。另外，伊有祛风寒消积滞个作用，包括浸杨梅治腹泻，也非伊莫属。更加是重要场合举足轻重个角色：常常讲勿吃酒办勿成事体，搿酒当然非白酒莫属了；勿吃白酒办勿成大事体，勿会得是荡荡嘴巴个啤酒，也勿是女士吃个葡萄酒……
勿少北方人以为上海人勿吃白酒个，其实勿然。勒上世纪50年代，以白酒为主个高度酒销量，大概占上海老酒总销量个一半。我下乡个农场勒奉贤，当地有2两装个小瓶白酒，人称“小炮仗”。勿要讲乡村，就是勒知青为主个农场，勿管是场部综合商店还是连队小卖部，销路侪勿错个。当然也有性价比个因素，一瓶“小炮仗”个价钿，抵得上吃1瓶黄酒或者3瓶啤酒带来个酒饱。
上海人吃白酒，也生产白酒。最早是勒金山朱泾镇个公和酱园，年开始酿制。白酒因为原料个勿同拨分为糟烧、麦烧、米烧搭高粱烧等等。本地白酒个大咖是七宝大曲搭特曲，浓香型七宝大曲“色清明晶，香气浓郁，入口平和，醇原纯正”，拨评为商业部搭国家个优质产品。此外，熊猫白酒及熊猫二曲，也小有名气。
沪产白酒勒晚清已经是入贡产品，是诞生于年个糟烧酒郁金香，出自石友成个南翔宝康酱园；“酒醇厚甘甜、粟色透明、清香沉郁”。（《嘉定县志》）曾经获得年莱比锡博览会个金奖。
老底子个名白酒还有刘酒、九峰酒、靠壁清等，其中刘酒又名三白酒。黄霆勒《松江竹枝词》当中写道：“红市开樽白雪香，沁人心肺带余凉。谁将风味推三白，独让刘郎占醉香”。据《上海风俗古迹考》，搿酒“取泖水仿三白酒法酿成”。至于“三白”是哪能回事体？一种讲法是取白米、白面、白水；另外一种讲法是因为生产个时令节气正好有芦白、棉白、霜白个缘故。年，袁枚勒苏州周慕庵屋里吃了“陈十余年之三白酒”，“酒味鲜美，上口粘唇”。点赞“甚矣！世间尤物之难多得也。”
上海市场浪个白酒，过去是销量大自产小。年，90%以上由外省调入，主要来自苏北。到上世纪60年代个前六年，搿六年里向，上市30.03万吨酒当中，上海产个达23.74万吨，占比近80%。其中白酒自产4.15万吨，外地调入仅1.73万吨。上海人吃酒靠外省市是一去不复返了。
老早吃白酒，侪是到酱油店里去零拷个。酒装勒大酒坛里，袁枚讲“以初开坛者为佳”，老吃客有得“酒头茶脚”一说。但要吃到开坛酒，真是要碰运道个。到上世纪80年代，商店逐步增加了瓶装酒，到年全部是瓶装了。我勒电视台经济部个年7月28日，名酒价格放开，茅台每瓶零售价元、汾酒20元、洋河大曲76元。
当年吃白酒，直接从酒瓶到酒杯。屋里有一套龙泉青瓷酒具，一壶十杯，一杯一两。现在侪用一钱个小杯，面前再放一只分酒器，从瓶倒器再入杯。干杯用小杯，也用分酒器干杯。勒亳州个辰光，吃酒必定要“炸罍子”；“炸”就是干，罍子就是可以容纳三两个分酒器，伊拉以古酒器“罍”称呼，到底是黄帝曾孙帝喾搭商朝先后立都之地。
我个酒龄可从两岁算起。听老母亲讲，我吃饭哭闹，哪能哄也侪没用。搿辰光，外公用筷蘸了一眼伊杯子里个酒；滴到我个嘴巴里向，哭闹声顿时没了。后来我又哭闹个辰光，我姆妈用其他饮料如法炮制却失灵；非酒勿可。我敢肯定：我个启蒙酒是白酒，外公勿吃其他酒个。
我心里向个好白酒有个“两勿”标准：一是吃了勿上头，二是吃酒之后嘴巴勿干。
原创：袁念琪
诵读者：倪云华
————————————————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
原标题：《上海人的白酒》